SIR: தமிழகத்தில் 74 லட்சம் பெயர்கள் நீக்கம் – விடுபட்டவர்கள் இனி என்ன செய்யலாம்? முழு விபரம்!

சென்னை: தமிழகத்தின் 2026-ஆம் ஆண்டிற்கான இறுதி வாக்காளர் பட்டியலை மாநில தலைமைத் தேர்தல் அதிகாரி அர்ச்சனா பட்நாயக் இன்று வெளியிட்டார். இப்பட்டியலின்படி, தமிழகத்தில் ஒட்டுமொத்தமாக 5,67,07,380 வாக்காளர்கள் உள்ளனர்.

வாக்காளர் எண்ணிக்கை சரிவு: 74 லட்சம் பெயர்கள் நீக்கம்

கடந்த அக்டோபர் 2025 நிலவரப்படி 6.41 கோடியாக இருந்த வாக்காளர்களின் எண்ணிக்கை, தற்போது 5.67 கோடியாக குறைந்துள்ளது. சிறப்பு தீவிர திருத்தம் (SIR) 2026-இன் கீழ் மேற்கொள்ளப்பட்ட சரிபார்ப்பு நடவடிக்கைகளால், சுமார் 74 லட்சம் தகுதியற்ற பெயர்கள் நீக்கப்பட்டுள்ளன.

புள்ளிவிவர விவரங்கள்:

• மொத்த வாக்காளர்கள்: 5,67,07,380

  AlsoRead

  மதுரை பரமசிவம் மரணத்திற்க்கு காரணமான காவலர்களை பணி நீக்கம் செய்ய வேண்டும்

  அதிமுகவும், பாமகவும் அமித் ஷாவின் குரலாக மாறிவிட்டன:

  சுதந்திர தின அணிவகுப்பின்போது மயங்கி விழுந்து உயிரிழந்த காவலர் குடும்பத்துக்கு ரூ.30 லட்சம் நிதியுதவி

• ஆண்கள்: 2,77,38,925

• பெண்கள்: 2,89,60,838 (ஆண்களை விட பெண்கள் அதிகம்)

• மூன்றாம் பாலினத்தவர்: 7,617

சிறப்புப் பிரிவினர் விபரம்

புதிய பட்டியலின்படி, இளைய தலைமுறை மற்றும் மூத்த குடிமக்களின் பங்களிப்பு பின்வருமாறு:

• 18-19 வயதுக்குட்பட்டவர்கள்: 12.51 லட்சம்

• மாற்றுத் திறனாளிகள்: 4.63 லட்சம்

• 85 வயதிற்கு மேற்பட்டவர்கள்: 3.99 லட்சம்

பெரிய மற்றும் சிறிய தொகுதிகள்

தமிழகத்திலேயே அதிக மற்றும் குறைந்த வாக்காளர்களைக் கொண்ட தொகுதிகளின் பட்டியல்:

வாக்காளர்களுக்கான முக்கிய அறிவிப்புகள்

வாக்காளர்கள் தங்கள் பெயர்களை https://elections.tn.gov.in என்ற இணையதளத்தில் சரிபார்த்துக் கொள்ளலாம்.

• மேல்முறையீடு: பெயர் நீக்கம் அல்லது திருத்தம் தொடர்பான அதிருப்தி இருந்தால், 15 நாட்களுக்குள் மாவட்ட ஆட்சியரிடமும், அதன் பிறகு 30 நாட்களுக்குள் தலைமைத் தேர்தல் அதிகாரியிடமும் மேல்முறையீடு செய்யலாம்.

• புதிய விண்ணப்பங்கள்: விடுபட்ட தகுதியுள்ள நபர்கள் படிவம்-6 (சேர்க்கை), படிவம்-7 (நீக்கம்) அல்லது படிவம்-8 (திருத்தம்) மூலம் விண்ணப்பிக்கலாம்.

• அடையாள அட்டை: புதிதாக பதிவு செய்தவர்களுக்கும் திருத்தம் செய்தவர்களுக்கும், வாக்காளர் அடையாள அட்டை (EPIC) விரைவு அஞ்சல் மூலம் வீட்டு முகவரிக்கே அனுப்பி வைக்கப்படும்.

விண்ணப்பிக்கும் முறைகள்:

1. இணையதளம்: https://voters.eci.gov.in/

2. செயலி: ‘Voter Helpline App’ (கூகுள் பிளே ஸ்டோர்)

3. தொலைபேசி உதவி: மாவட்ட அளவில் 1950 மற்றும் மாநில அளவில் 1800-4252-1950 ஆகிய கட்டணமில்லா எண்களைத் தொடர்பு கொள்ளலாம்.

தொடர் திருத்தக் காலம் இன்று (23.02.2026) முதல் நடைமுறைக்கு வந்துள்ளதால், தகுதியுள்ள குடிமக்கள் இந்த வாய்ப்பைப் பயன்படுத்திக் கொள்ளுமாறு தேர்தல் ஆணையம் கேட்டுக்கொண்டுள்ளது.