தமிழக சட்டப்பேரவைத் தேர்தலில் திமுக சார்பில் போட்டியிட விருப்ப மனு அளித்தவர்களுக்கான நேர்காணல் தேதியில் மாற்றம் செய்யப்பட்டுள்ளது. ரமலான் பண்டிகையை முன்னிட்டு, வரும் 21-ம் தேதி நடைபெறவிருந்த நேர்காணல் 23-ம் தேதிக்கு (திங்கள்கிழமை) ஒத்திவைக்கப்படுவதாக அக்கட்சியின் பொதுச்செயலாளர் துரைமுருகன் அறிவித்துள்ளார்.
இது குறித்து அவர் வெளியிட்டுள்ள அறிக்கையில் குறிப்பிட்டுள்ள புதிய கால அட்டவணை இதோ:
நேர்காணல் அட்டவணை (மார்ச் 23, திங்கள்கிழமை)
| நேரம் | மாவட்டங்கள் / தொகுதிகள் |
| காலை 9:00 மணி | திருச்சி (வடக்கு, மத்திய, தெற்கு), தஞ்சை (வடக்கு, தெற்கு, மத்திய), பெரம்பலூர் மற்றும் அரியலூர். |
| மாலை 4:00 மணி | புதுக்கோட்டை (வடக்கு, தெற்கு), கடலூர் மேற்கு, மயிலாடுதுறை, நாகப்பட்டினம் மற்றும் திருவாரூர். |
ஏற்கனவே மார்ச் 21-ம் தேதி (சனிக்கிழமை) நேர்காணல் நடைபெறும் என்று அறிவிக்கப்பட்டிருந்த நிலையில், ரம்ஜான் பண்டிகை கொண்டாட்டங்களுக்காக இந்த மாற்றம் செய்யப்பட்டுள்ளது. வேட்பாளர்கள் தங்களுக்கு ஒதுக்கப்பட்ட நேரத்தில் தலைமை அலுவலகத்தில் ஆஜராகுமாறு கேட்டுக்கொள்ளப்படுகிறார்கள்.
