தமிழக அரசின் வேளாண் பட்ஜெட் குறித்து திமுக தலைவர் மு.க. ஸ்டாலின் கடுமையாக விமர்சித்துள்ளார். திராவிட மாடல் அரசின் திட்டங்களுக்கு ‘வெற்றி’ என்ற பெயரை மட்டும் சூட்டினால் போதுமானது என அரசு நினைக்கிறதா என்று அவர் கேள்வி எழுப்பியுள்ளார்.
இதுதொடர்பாக அவர் வெளியிட்டுள்ள எக்ஸ் (X) தளப் பதிவில் கூறியிருப்பதாவது:
“வறட்சி குறித்து எந்தவிதமான உருப்படியான அறிவிப்பும் இல்லாமல், முதல்வரை புகழ்வதற்காகவே வேளாண் பட்ஜெட் பயன்படுத்தப்பட்டுள்ளது. இது வேளாண் பட்ஜெட் என்பதைக் காட்டிலும், மற்றுமொரு பெயர்மாற்ற நிகழ்வாகவே முடிந்துள்ளது.
திராவிட மாடல் அரசின் திட்டங்களின் மீது ‘வெற்றி’ என்ற லேபிளை ஒட்டினால் வேலை முடிந்துவிட்டதாக இந்த அரசு நினைக்கிறதா? குறுவை சாகுபடி பாதிக்கப்பட்டு, அரசின் உதவியை எதிர்பார்த்து காத்திருக்கும் டெல்டா மாவட்ட விவசாயிகளுக்கு எந்தவித நிவாரணமும் வழங்காத வெற்று பட்ஜெட்டாகவே இது அமைந்துள்ளது.
விவசாயப் பெருமக்களின் கோரிக்கைகளை சட்டப்பேரவையின் இந்தக் கூட்டத்தொடர் முழுவதும் திமுக உறுப்பினர்கள் தொடர்ந்து வலியுறுத்துவார்கள். உறக்கத்தில் இருக்கும் அரசு விழித்துக் கொண்டு பதில் அளிக்க வேண்டும். விவசாயிகளின் பிரச்சினைகளுக்கு உரிய தீர்வு வழங்கப்பட வேண்டும்” என மு.க. ஸ்டாலின் தனது பதிவில் தெரிவித்துள்ளார்.
