சென்னையில் 22 காரட் ஆபரணத் தங்கத்தின் விலை இன்று ஒரே நாளில் பவுனுக்கு ரூ.600 உயர்ந்துள்ளது. அதேநேரத்தில், வெள்ளி விலையில் எந்த மாற்றமும் இல்லாமல் நேற்று இருந்த விலையிலேயே விற்பனை நடைபெற்று வருகிறது.
இன்றைய வர்த்தக நிலவரப்படி, 22 காரட் ஆபரணத் தங்கம் கிராமுக்கு ரூ.75 உயர்ந்து, ஒரு கிராம் ரூ.13,230-க்கும், ஒரு பவுன் ரூ.1,05,840-க்கும் விற்பனையாகிறது.
24 காரட் தங்கம் கிராமுக்கு ரூ.82 உயர்ந்து, ஒரு கிராம் ரூ.14,433-க்கும், 18 காரட் தங்கம் கிராமுக்கு ரூ.75 உயர்ந்து, ஒரு கிராம் ரூ.11,045-க்கும் விற்பனை செய்யப்படுகிறது.
வெள்ளி விலையில் மாற்றமின்றி, ஒரு கிராம் ரூ.235-க்கும், ஒரு கிலோ கட்டி வெள்ளி ரூ.2,35,000-க்கும் விற்பனையாகிறது.
சர்வதேச பொருளாதார மற்றும் அரசியல் சூழல், கச்சா எண்ணெய் விலை, அமெரிக்க டாலருக்கு எதிரான இந்திய ரூபாயின் மதிப்பு, உலகளாவிய முதலீட்டு போக்குகள் மற்றும் பங்குச் சந்தை நிலவரம் உள்ளிட்ட காரணிகளின் அடிப்படையில் தங்கத்தின் விலையில் தினசரி ஏற்ற, இறக்கங்கள் ஏற்படுகின்றன.
குறிப்பாக, நேற்று தங்கம் விலை பவுனுக்கு ரூ.480 குறைந்திருந்த நிலையில், இன்று மீண்டும் ரூ.600 உயர்ந்துள்ளது குறிப்பிடத்தக்கது.
